這齣連續劇於1971年在台視頻道播出，是台灣最早的台語電視連續劇，台灣自1970年起，在中視的帶頭下，開始播出連續劇．這部阿公店若撇開其中的親情倫理悲劇的部份，在文史考據上我覺得寫得還不錯．尤其是有寫到當時的岡山交通不便，還有平地原住民居住於旁邊，盜匪出沒，都符合目前所知留下史實的紀錄．有興趣者不妨看一看歌詞。
葉明龍 製作 黃秋田 主唱主彈 https://www.youtube.com/watch?v=f7Hy4IUP77Y
第一張A面
各位岡山好兄弟 聽我唸歌來講起
南部岡山的代誌 故事曲折真趣味
古早地名阿公店 阿公做人真尊嚴
人人喔勒甲稱讚 流傳後代眾懷念
阿公姓名劉添福 做事待人真和藹
鋪橋造路的工作 造福人群真快樂
講起石虎這個人 當時唐山過台灣
事業失敗不成全 心肝寶在結歸丸
從此墮落做土匪 四處搶劫亂亂飛
無惡不做案累累 衙門要抓四界追
阿公開店的所在 石虎出現對這來
手段惡毒真利害 搶劫人客的錢財
阿公出面來阻止 石虎舉頭看著伊
阿公出聲來責備 做人應該著守紀
石虎見笑反生氣 不聽勸告來脫離
師弟做賊事是真 阿公看著伊不仁
苦勸改邪無塊信 阿公著急追真緊
石虎返來伊巢窟 四面埋伏眾兵卒
想要逃走走未出 衙門制裁有法律
阿公趕到真煩惱 大人要押落監牢
請你赦免輕發落 這聲那去頭壳無
石虎覺悟無生命 跪地懇求添福兄
你著可憐我小子 我子青田望您晟
阿公晟養石虎子 答應一定疼命命
石虎到著心捉定 最後大聲叫子名
父子親情這呢厚 見景傷情目屎流
皇天保庇從今後 青田大漢會出頭
抱起青田一直行 返來店內大著驚
賢妻昏倒在大廰 尋無可愛的親子
家內發生大代誌 突然失去兩子兒
賢妻哭到死活去 可憐我子在那裏
第一可恨鳯陽婆 偷娶囝仔四界遊
寶玉賣給玉嬌嫂 得錢歡喜遇強盜
強盜搶錢殺一刀 人財兩空生命無
放棄良家無人抱 番婆來到這發落
失散子兒無下落 天邊海角尋攏無
前世敢有做差錯 事到如今要如何
但願天公相保庇 母子早日來團圓
添福無心做生意 秋霞傷心哭歸瞑
透早起來無心情 暝日叫著子的名
養來碧玉惜命命 青田當做親生子
良家寶玉無風聲 青田碧玉如生命
生子痛苦漸漸定 生意愈做愈時行
只怨上天無愛護 破害幸福的路途
夫妻安慰相照顧 忍耐一切的痛苦
日子經過真匆忙 春來秋去好幾冬
南方燕子己歸還 失散我兒看無人
光陰經過十八春 添福秋霞望抱孫
青田變成真英俊 碧玉生美真溫順
老人歡喜因一對 想要將伊送做堆
碧玉有意成雙對 青田心肝想外位
添福開路是好代 犠牲自己為將來
按怎辛苦也忍耐 青田反對不應該
第一張B面
講起失散親子兒 山地好漢就是伊
族人當做親兄弟 酋長讚賞有義理
公主對伊真甲意 將來駙馬一定伊
每日快樂過日子 不知身世真悲哀
族人通報受人欺 痛恨平地真無理
好漢擔當這代誌 生氣要尋添福伊
好漢來店真兇狂 抓著歹人酷酷嗆
添福出聲來阻止 請你冷靜好好講
秋霞聽著吵鬧聲 出來看見著一驚
叫著良家伊的名 講起我是你阿娘
良家幼時有黑痣 好漢手上真正是
慈母永遠不忘記 認定良家就是伊
親人出現在眼前 好漢不知真枉然
將伊打倒在桌邊 生氣走出店面前
秋霞看著真傷悲 叫著我子你名字
我子按怎做你去 親生阿娘你不要
添福安慰賢妻你 好漢不是咱子兒
世間絕無此代誌 良家絶對不是伊
添福失散的女兒 名叫牡丹青春時
枝骨真美人漂緻 無耐家貧被人欺
青田過路解救伊 一見鐘情心綿綿
青田緣投有勇氣 牡丹生美那西施
雙人見面相意愛 互相呆勢講出來
大家放在心肝內 期禱月老斗安排
添福開路是好代 犠牲自己為將來
每日辛苦誰人知 青田反對不應該
母親痛苦在心內 父子結氣無往來
怨恨命運這樣壞 目屎流落沒人知
青田決心離鄉里 前往府城做生意
碧玉傷心無法比 祈禱神明斗保庇
兩人離別是暫時 期待早日結連理
小妹一切獻給你 望你痛惜好花枝
養母玉嬌病沉重 牡丹伺候在病房
誰知生命己無望 想起可憐的牡丹
玉嬌痛疼牡丹伊 臨終時候才講起
十八年前的代誌 保身護符做為記
牡丹知影是養女 阿娘逝世哭三暝
茫茫人海何處去 親生父母在那裏
第二張A面
養母要死有交代 前往安平的所在
親戚高家會款待 收拾行李對此來
高家少爺是鴻文 看著牡丹真溫順
想要與她來接近 花語巧語直直吹
表妹金蘭未婚妻 看著吃醋心怨切
冷言冷語破鷄叉 只好忍耐頭低垂
鴻文老父真尊嚴 一日來到阿公店
想要在此休一晚 燒酒飲到醉茫茫
講起牡丹的代誌 秋霞聽到來問伊
得到消息大歡喜 趕緊起行見女兒
牡丹所愛是青田 燒香拜佛是當然
誰知歹人毒心幸 牡丹被騙不知情
秋霞來到安平城 期待女兒叫阿娘
看著香火心驚訝 牡丹確實是我子
無疑看無子的影 己經被拐入府城
秋霞聽著心真痛 為何我的命這苦
千里路途來尋子 枉費趕來變空行
慈母怨嘆心肝痛 目屎流落祙做聲
牡丹心肝有懷疑 想要偷走走不離
歹人實在真無理 將她賣落烟花地
城內酒樓錦華閣 來往酒客真正多
老娼強迫陪酒桌 那不順從生命無
從此變成搖錢樹 面帶笑容心憂愁
老娼時常下毒手 身軀變成沒自由
一支出指是單單 老兄酒醉賣江山
錢銀是兄親手賺 給娘開了無相干
二支出指兩相好 老兄做人真溫和
燒酒是娘親手做 老兄飲了萬事和
三支出指是三新 阿娘真美如觀音
錢銀是兄親手印 給娘開了無要緊
四支出指是四紅 老兄生做如關公
燒酒是娘親手用 給兄飲了萬事通
六支出指是六連 姑娘生美如貂蟬
錢銀是兄親手獻 給娘開了會欣鮮
七支出指是七巧 老兄做人真逍遙
燒酒是娘親手料 給兄飲了好吉兆
八支出指是八仙 阿娘真美如天仙
錢銀是兄親手獻 給了娘開會欣羡
九支出指是九怪 老兄做人心不歪
燒酒是娘親手來 老兄飲了爽歪歪
十支出指是總開 姑娘真美如花開
錢銀是兄親手來 給娘開了無干碍
青田生意有成就 朋友相招要應酬
來到酒樓飲燒酒 看著牡丹心憂愁
牡丹歡喜見青田 兩人見面情綿綿
老娼突然來出現 番附保鏢與他煎
一對情侶真可憐 歹人毒心真了然
環境阻碍真不幸 趕緊離開勿延遷
第二張B面
青田受傷真艱苦 可恨老娼心肝黑
想要贖身無法肚 錢銀不夠變無步
碧玉為君病相思 為情為愛離鄉里
真愛青田來相見 來到府城尋到他
兩人歡喜來見面 千言萬語說祙盡
碧玉一切交帶您 望君早日來成親
牡丹陪酒心糟糟 人客真歹要如何
想祙偷走錦華閣 一心思念青田哥
看見青田有查某 怨恨青田真糊塗
碧玉叫她免吃醋 阮是兄妹塊稱呼
牡丹誤會他青田 風波一起真了然
碧玉目屎哥哥連 甘願犠牲阮愛情
為君辛苦為君愁 望你體恤與溫柔
枉費為君暝日想 一片真情放水流
碧玉成全他兩人 來到酒樓見牡丹
希望雙人相痛疼 發現香火按怎辦
牡丹講出她身世 我身從小無人的
歹人所害將我賣 親人不知那一個
秋霞破病爬祙起 叫著失散的子兒
良家寶玉何處去 趕緊返來我身邊
子女失散二十冬 每日想子心茫茫
添福心情真苦痛 每日心酸目眶紅
雙腳跪地求天公 有靈有聖早歸宗
命運的神勿作弄 疼子心情人感動
碧玉青田回鄉里 母子見面真歡喜
誰知秋霞就要死 好言好語講祙離
牡丹來到心驚訝 講起流落在府城
提出香火叫阿娘 秋霞病重快要行
遺憾一家未團圓 眾人傷悲心真煩
不知何時會團圓 添福求神賜復原
山地公主來失落 好漢四界尋攏無
想起添福要幫助 看到秋霞病不好
突然看見伊的影 大聲叫著良家名
香火提出著一驚 好漢就是我的子
一家團圓真歡喜 失散雖然二十年
如今會當再相見 秋霞含笑來歸陰
秋霞逝身真哀悲 添福打拼做生意
子女幫助重做起 成家立業真恭喜
田庄中央一間店 店的頭家老大人
來往客商眾人傳 傳說阿公大好人
阿公開店做好代 世間讚賞通人知
流傳後代到現在 阿公店名按此來
沒有留言:
張貼留言